Þann 17. desember s.l. útskrifaðist þriðji hópurinn frá Samvinnu en þessi hópur hóf endurhæfingu haustið 2009.  Það voru 12 einstaklingar sem útskrifuðust og höfðu flestir stundað nám hjá Samvinnu, þrír einstaklingar stunduðu nám í öðrum menntastofnunum m.a í framhaldsskólanum á Laugum, á Flugþjónustubraut Keilis og  á Listnámsbraut í FS. Hópurinn var jafnframt í  starfskynningum í fyrirtækum að eigin vali einn morgun í viku á þriðju önninni.  Umsagnir vinnuveitanda um nemendur okkar voru frábærar og eiga vinnuveitendur hér á svæðinu skilið þakkir fyrir gott samstarf og þeirra framlag. 

Síðast liðna átján mánuði hefur hópurinn farið í gegnum fjölbreytta dagskrá sem samanstóð af námi, líkamsrækt, sjálfstyrkingu, nýsköpun og ýmiss konar ráðgjöf. Einnig var boðið upp á lífsleikni, starfsfræðslu og starfskynningar. Reynt hefur verið að mæta þörfum hvers og eins og misjafnt er milli einstaklinga hverju þau tóku þátt í hvað hentaði þeim best t.d. dæmis stunduðu þrír einstaklingar fjarnám við FÁ á önn eitt og tvö.