Föstudaginn 16. desember útskrifuðust 10 þátttakendur hjá Samvinnu. Síðastliðna átján mánuði hefur hópurinn farið í gegnum fjölbreytta dagskrá sem samanstóð af námi, líkamsrækt, sjálfstyrkingu, skapandi starfi, fjármálaráðgjöf, uppeldisnámskeiði og námskeiði í hugrænni atferlismeðferð svo eitthvað sé nefnt. Einnig var boðið upp á lífsleikni, starfskynningar og starfsþjálfun, sem og ýmis konar fyrirlestra. Veittar voru viðurkenningar fyrir miklar framfarir, góða ástundun og góðan námsárangur.