Samvinna mun taka þátt í sýningunni Reykjanes 2009 sem haldin verður í Íþróttaakademíunni í Reykjanesbæ dagana 4.-6. september í tengslum við 10 ára afmæli Ljósanætur. Sýningin er haldin undir yfirskriftinni þekking, orka, tækifæri og þar verður kynnt öflugt atvinnulíf og þjónusta á Reykjanesi. Sýningin, sem verður nú haldin í fyrsta sinn, er liður í því að auka enn fjölbreytni hátíðahaldanna og beina kastljósinu að fyrirtækjum, stofnunum og sveitarfélögum á svæðinu. Samvinna mun deila kynningarbás með Miðstöð símenntunar á Suðurnesjum og mun starfsfólk okkar svara spurningum og kynna starfsemina alla helgina.